०२ असार २०८३, मंगलबार
काठमाडौं – बालाजुबाट अवैध लागूऔषध र ल्यापटप, मोबाइल लगायतका सामान सहित ३ जनालाई प्रहरीले पक्राउ गरेको छ ।
विशेष सूचनाका आधारमा महानगरीय परिसर टेकुबाट खटिएको प्रहरी टोलीले आइतवार बालाजुबाट सोही ठाउँमा बस्ने उमेश डंगोल, उमेश तामाङ र नवीन गुरुङलाई पक्राउ गरेको हो ।
प्रहरीले उनीहरूको साथबाट अवैध लागूऔषध २५ सेट नरफिन, पिनारगनसहित इलेक्ट्रोनिक सामान ल्यापटप ३ थान, मोबाइल ७ थान, क्यामेरा १ थान, पावर बैंक १ थान र नगद ४५ हजार बरामद गरेको छ ।
पक्राउ परेका तीनै जनालाई थप अनुसन्धानका लागि महानगरिय प्रहरी परिसर टेकुमा राखिएको उक्त कार्यालयका प्रवक्ता डीएसपी होविन्द्र बोगटीले बताए ।
