धनगढी। नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका एक कार्यकर्ता कैलालीमा पक्राउ परेका छन् ।

सो पार्टीको युवा संगठन नेपाल कैलालीका पूर्व अध्यक्ष रूपलाल देउकरलाई प्रहरीले गोदावरी नगरपालिका ५ स्थित उनकै दाजुको घरबाट सोमबार पक्राउ गरेको परिवारिक स्रोतले जनाएको छ । उनको भाई पुरन देउकरका अनुसार उनी पछिल्लो समय पार्टीमा निस्क्रिय रहेको र गेटा आँखा अस्पताल अगाडी खाजा घर चलाएर बसेका थिए ।
उनका परिवारजनले पक्रउ गरेको बताइए पनि प्रहरीले भने पक्राउ नगरेको जिकिर गरेको छ । जिल्ला प्रहरी कार्यालय कैलालीका प्रहरी नायव उपरीक्षक दक्ष कुमाुर बस्नेतले पक्राउ परेको वारे थाहा नभएको बताए । उनले भने–‘हाम्रो विशेष अप्रेसन जारी छ । धेरै कुरा बाहिर नआउन पनि सक्छ । तर उनी पक्राउ परेको वारे जानकारी छैन ।’