२५ जेठ २०८३, सोमबार
एजेन्सी- अफ्रिकी देश बोत्सवानामा सय वर्षपछि संसारकै सबैभन्दा ठूलो हिरा भेटिएको छ । यस हिराको मूल्य निर्धारण नगरिएपनि सबैभन्दा महंगो हुने बताइएको छ । यसलाई शताब्दीकै ठूलो हिराको रूपमा लिइएको छ ।
यस हिराको मूल्य लगभग ९० मिलियन डलर हुन सक्ने बताइएको छ । यस हिरालाई क्यानडाको उत्खनन् कम्पनीले भेट्टाएको हो । १७५८ क्यारेटको हिराको वजन ३५२ ग्रामको छ ।
जापानको लुकारा डायमन्ड कम्पनीले टेनिस बलको साइजको यस हिरालाई उचित आकार दिएपछि लिलामीमा राख्ने बताएको छ ।
लुकाराका अनुसार सन् १९०५ मा भेटिएको ३१०६ क्यारेटको हिरापछि यो दोस्रो ठूलो हिरा हो । उत्खनन् कम्पनीले हिरा खोज्नकै लागि एक्सआरटी डायमन्ड रिकवरी टेक्नोलोजीको प्रयोग गरेको थियो ।
सन् २०१८ मा यस कम्पनीले ३ सय क्यारेटदेखि ४७२ क्यारेटसम्मको १२ वटा हिरा भेट्टाएको थियो ।
