०९ साउन २०८३, शनिबार
काठमाडौं – सन् १९५१ मा बेलायती एरिक शिप्टनले ठूलो पाइलाको तस्वीर खिचेका थिए । कुनै विशाल प्राणीको पाइला जस्तो देखिएको थियो त्यो ।
त्यसपछि सबैजनाले यतिको कुरा गर्न थाले ।
जंगली मान्छेका लागि प्रयोग गरिने शेर्पा भाषाको शब्द हो यति । यति संसारकै सबभन्दा रहस्यमयी प्राणी हो ।
सगरमाथाको पश्चिमतर्फ म्याङलुङ हिमनदीमा खिचिएको तस्वीर यतिको अनुसन्धानको आधारशिला नै बन्यो ।
अहिले भारतीय सेनाले आफ्नो आधिकारिक ट्विटर ह्यान्डलबाट विभिन्न तस्वीर सार्वजनिक गरेर यतिको गाथालाई फेरि चर्चामा ल्याएको छ ।
‘पहिलोपटक भारतीय सेनाको पर्वतारोहण टोलीले मिथकीय प्राणी यतिका पाइला भेटेको छ । अप्रिल ९ मा मकालु आधार शिविरनजिक यतिको ३२ बाई १५ इन्चको पाइला देखिएको हो । यो हिममानव विगतमा मकालु–वरुण राष्ट्रिय निकुञ्जमा मात्र देखिएको थियो,’ सेनाले फोटोसहित ट्वीट गरेको छ ।
मकालु–वरुण राष्ट्रिय निकुञ्ज पूर्वी नेपालको केन्द्रमा छ र यो संसारको पाँचौं अग्लो मकालु हिमालनजिक छ ।
यतिलाई क्रिप्टोजूलोजीको उदाहरण मानिने बीबीसीको एक रिपोर्टमा उल्लेख गरिएको छ । त्यो भनेको प्रमाणको अभावका कारण यस्ता प्राणी अस्तित्वमा छन् भन्न नमिल्ने अवस्था छ । रिपोर्टका अनुसार, हिमालयमा अज्ञात प्राणीको
कुनै ठोस प्रमाण छैन र त्यो अस्तित्वमा छ भन्ने विषयमा शंका गर्ने प्रशस्त कारण छन् ।
For the first time, an #IndianArmy Moutaineering Expedition Team has sited Mysterious Footprints of mythical beast 'Yeti' measuring 32x15 inches close to Makalu Base Camp on 09 April 2019. This elusive snowman has only been sighted at Makalu-Barun National Park in the past. pic.twitter.com/AMD4MYIgV7
— ADG PI - INDIAN ARMY (@adgpi) April 29, 2019
एजेन्सी
