०७ असार २०८३, आइतबार
काठमाडौं– छिमेकी देश चीनको राजकीय भ्रमणमा रहेकी राष्ट्रपति विद्यादेवी भण्डारी अस्वस्थ भएकी छिन् । अस्वस्थ्यताकै कारण भण्डारी चीन भ्रमण छोट्याएर आजै स्वदेश फर्कन लागेकी छिन् ।
भण्डारी मंगलबार चीनको राजधानी बेइजिङबाट ल्हासा पुगेकी थिइन् । तर त्यहाँ पुगेकी उनको स्वास्थ्यमा एकाएक समस्या देखिएको बताइएको छ ।
प्रधानमन्त्रीका परराष्ट्र सल्लाहकार राजन भट्टराईले राष्ट्रपतिलाई हाई अल्टिच्युडको समस्या भएको बताए ।
सोही कारण उनी एक दिनअघि नै स्वदेश फर्किन लागेकी हुन् । उनी बिहान १०ः४० को विमानबाट नेपाल फिर्ता हुने भट्टराईले जानकारी दिए ।
