२८ जेठ २०८३, बिहीबार
एजेन्सी- हरेक प्रेमजोडी चाहन्छन् कि आफूहरू सधैं सँगै हुन पाइयोस् । तर सबैको हकमा त्यस्तो हुँदैन । उनीहरू कुरा गर्दै जाँदा कुनै कुनामा मौका मिलाएर चुम्बन गर्छन् ।
तर सार्वजनिक स्थानमा चुम्बन गर्नु सहज भने छैन । त्यस्तो स्थानमा चुम्बन गर्दा सबैले हेर्ने हुँदा जोडीका लागि राम्रो हुँदैन ।
त्यस्तै आज हामी तपाईंलाई एक यस्तो अनौठो स्थानको बारेमा जानकारी दिन गइरहेका छौं, जहाँ जोडी घण्टौं लाइन बस्न पनि तयार हुन्छन् र आफ्नो पालो कुरेर बस्छन् ।
बताइएअनुसार त्यहाँ फेब्रुअरी एकदेखि १५ तारिखसम्म ठूलो संख्यामा मानिसहरू आउँछन् र लामो लाइन बस्छन् ।
यो अनौठो स्थान मेक्सिकोको हो । यस ठाउँमा आएर चुम्बन गर्नेको जोडी १५ वर्षसम्म खुशी रहने जनविश्वास छ ।
यद्यपि, यसको पछि एक प्रेमी-प्रेमिकाको कहानी छ । यो ठाउँ एउटा सानो गल्लीमा छ, जसको नाम हो- एल क्यालेजन डेल बेसो । यसको अर्थ हुन्छ- चुम्बन 'किस'को गल्ली । यो सेन्ट्रल मेक्सिकोको गुआनाजुआतोमा छ ।
कथनअनुसार यस गल्लीमा प्रेमी-प्रेमिका बालकोनीमा बसेर किस गर्ने गर्थे । केटी डोना कार्मेन धनी परिवारबाट थिइन् भने केटा गरीब परिवारका थिए ।
डोनालाई पिताले माया गर्नका लागि इजाजत दिएका थिएनन् । यसकारण लुइसले उसको घरको झ्यालनजिकै एउटा कोठा भाडमा लिएर बस्न थाले । डोनाको पितालाई लुइससँग भेटेको मन पर्दैनथ्यो ।
डोनालाई बाहिर जानपनि प्रतिबन्ध लगाएका थिए उनको पिताले ।
लुइसको उक्त गतिविधिबारे डोनाको परिवारलाई थाहा थिएन ।
एकदिन डोनाको पिताले उनीहरूको चाला थाहा पाए र आफ्नै छोरीलाई धारिलो हतियारले हत्या गरिदिए ।
केही मानिसहरू यस्तो भन्छन् कि लुइस डोनालाई बचाउन बालकोनीबाट कुदे तर तल झर्दै गर्दा गर्दन छिन्यो ।
जुन कोठामा डोना बस्थिन्, अहिले त्यहाँ एउटा गिफ्ट पसल छ । प्रेमजोडीहरूले उक्त बालकोनीमा आएर आफ्नो नाम लेख्छन् र सन्देश पनि छाड्छन् । र झ्यालमा ताला पनि लगाउँछन् ।
सो उक्त स्थानमा किस गर्नाले १५ वर्षसम्म सम्बन्ध बलियो हुने आमविश्वास रहिआएको छ ।
