२९ जेठ २०८३, शुक्रबार
काठमाडौं – जेठ १६ गतेदेखि इंग्ल्यान्डमा शुरू हुन लागेको क्रिकेट विश्वकपअघि इन्डियाका कप्तान विराट कोहली पत्नी अनुष्कासँग गोवामा छुट्टी मनाइरहेका छन् ।
सामाजिक सञ्जालमा उनीहरूको फोटो भाइरल भइरहेको छ । तस्वीर उनीहरूका फ्यानले शेयर गरेका हुन् ।
गोवाको एक रेस्टुराँमा एक साथीसँग बसेर विराट र अनुष्काले ब्रेकफास्ट लिइरहेको देखिन्छ ।
इन्डियाका ओपनर रोहित शर्मा पनि आफ्नी पत्नी र बच्चाहरूसँग माल्दिभ्समा क्वालिटी टाइम बिताइरहेका छन् । हालै रोहितको कप्तानीमा मुम्बई इन्डियन्सले चौथोपटक आईपीएल उपाधि जितेको छ ।
भारतीय टीम जेठ ८ गते इंग्ल्यान्ड जाँदैछ । भारतले जेठ २२ गतेदेखि आफ्नो विश्वकप अभियान शुरू गर्नेछ । पहिलो म्याच दक्षिण अफ्रिकाविरुद्ध छ ।
एजेन्सी
