०५ असार २०८३, शुक्रबार
काठमाडौं – सलमान खान बलिउडका सबभन्दा ठूला सेलेब्रिटीमध्ये एक हुन् । विगत १० वर्षमा सलमानका फिल्महरूले बलिउडको कमाइमा महत्त्वपूर्ण योगदान गरेका छन् ।
प्रत्येक वर्ष सलमानका फिल्मले सजिलै १०० करोड भारु कटाउँछन् । वितरकहरू सलमानको फिल्म रिलिजलाई व्यग्रताका साथ प्रतीक्षा गरिरहेका हुन्छन् ।
विगत १० वर्षमा सलमानका फिल्महरूले २७२७ करोड भारु कमाएका छन् । सलमानका दबंग–३, इन्शाल्लाह र किक–२ बनिरहेका छन् र ती पनि ब्लकबस्टर हुने सम्भावना छ ।
सन् २०१० मा सलमानको दबंग फिल्म आएको थियो र त्यसले १३८.८८ करोड भारु कमायो ।
सन् २०११ मा उनको कमेडी फिल्म रेडी आयो । यसले कुल १२० करोड भारु हात पार्यो । त्यही वर्ष ईदमा बडीगार्ड फिल्म आयो र त्यसले १४२ करोड भारु कमायो ।
सन् २०१२ मा सलमानको एक था टाइगर आयो । फिल्मले १९८ करोड भारु कमायो । त्यसै वर्ष सलमानले दबंगको सिक्वेल ल्याए र त्यो फिल्मले १५८.५० करोड भारु कमायो ।
सन् २०१३ मा सलमानको कुनै पनि फिल्म आएन र सन् २०१४ मा जय हो आयो । यो फिल्म खास चलेन तैपनि १११ करोड भारु कमायो । तर त्यही वर्ष आएको फिल्म किकले २३३ करोड भारु कमाइदियो ।
सन् २०१५ मा सलमानको बजरंगी भाईजानले ३२०.३४ करोड भारु कमाएर सबैलाई मालामाल बनाइदियो । ३०० करोड भारु कमाउने लिस्टमा परे सलमान । त्यसै वर्ष प्रेम रतन धन पायो फिल्म पनि आयो र त्यसले २०७.०४ करोड भारु कमायो ।
सन् २०१६ मा सलमानले सुल्तान फिल्म ल्याए । फिल्मले ३००.४५ करोड भारु कमायो ।
सन् २०१७ मा चाहिँ सलमानको ट्युबलाइट फिल्म फ्लप भयो तैपनि १२१.२५ करोड भारु कमायो । तर त्यसै वर्ष आएको टाइगर जिन्दा है फिल्मले ३३९.१६ करोड भारु कमाएर वितरकहरूलाई मालामाल बनायो ।
सन् २०१८ मा सलमानको रेस–३ आयो तर त्यसले धेरैलाई निराश पारिदियो अनि जम्मा १६९ करोड भारु कमायो ।
सन् २०१९ मा सलमानको भारत फिल्म आयो र यसले विश्वव्यापी बक्स अफिसमा २५० करोड भारु कमाइसकेको छ ।
एजेन्सी
