१९ असार २०८३, शुक्रबार
काठमाडौं – भारतको अल्मोडामा बाँदरले निरन्तर आक्रमण गरेपछि एक हजार बाँदरहरूलाई बन्ध्याकरण गरिने भएको छ । बाँदरको आक्रमणका कारण मानिसहरू घर छोडेर हिँड्न समेत डराइरहेका छन् ।
अल्मोडाको वन विभागले चिडियाखानामा बन्ध्याकरण केन्द्र राखिएको छ । त्यहाँ ९२ बाँदरको बन्ध्याकरण गरिएको स्थानीय मिडियाले लेखेको छ ।
विभाग अधिकारीहरूले यस वर्ष मात्र एक हजार बाँदरको बन्ध्याकरण गरिने जानकारी दिए ।
चालीस नयाँ खोर पनि बनाइनेछ भने सामूहिक बन्ध्याकरणका लागि एक पशुचिकित्सक नै नियुक्त गरिएको छ ।
उक्त क्षेत्रमा बाँदरहरूले धेरै मानिसलाई घाइते बनाएपछि यो कदम चालिएको छ ।
दुगलखोलाका एक स्थानीय कमलेश सिंहले बाँदरहरूले शहरमा आतंक मच्चाएको बताए ।
उक्त क्षेत्रमा रहेका बाँदरहरूले अन्नबाली नष्ट गर्ने अनि खानेकुराका लागि मानिसहरूलाई आक्रमण गर्ने गरेका छन् ।
एजेन्सी
