काठमाडौं – अमेरिकाको सान फ्रान्सिस्को बे नजिक सातजना माझीलाई एक शार्क माछाले बल्छी मुखमा च्यापेर डुंगा सहित दुई माइल तानेको छ । 

माझीहरूले सेभेनगिल र सूपफिन शार्क समात्न खोजेका थिए । त्यतिखेर एक माझी जोई गामेजले बल्छी निकै तानिएको पाए । 

निकै ठूलो सेभेनगिल शार्क फसेको भन्ठानेर माझीहरूले एंकर ताने र शार्क तान्नका लागि डुंगा घचेडिन दिए ।

२६ फीट लामो डुंगालाई एक घन्टासम्म पानीमा घिसारेपछि शार्क पानीबाहिर देखियो । 

सान फ्रान्सिस्को गेटसँग कुरा गर्दै गामेजले भने, ‘सबैजना स्तब्ध थिए । शार्कलाई नियन्त्रणमा लिन हामी सातैजनाले प्रयास गर्नुपरेको थियो ।’

फूटेजमा ग्रेट ह्वाइट शार्क समात्न पाउँदा माझीहरूको उत्साह देख्न पाइन्थ्यो । 

सात फीट लामो ग्रेट ह्वाइट पानीको सतहमा आउँदा उनीहरू खुशी भएर चिच्याउँछन् । 

उक्त समूहले शार्कलाई मुक्त गर्ने निर्णय गर्छ र फिशिङ रडको लाइन काटिदिन्छ । शार्क चाहिँ बल्छीको चारा लिएर अन्तै जान्छ । 

ग्रेट ह्वाइट शार्क संरक्षित प्रजाति भएकाले त्यसलाई समात्नु गैरकानूनी मानिन्छ ।

एजेन्सी