०८ साउन २०८३, शुक्रबार
काठमाडौं- बाराको सुवर्ण गाउँपालिका-१ बगहीमा गोली चलेको छ ।
अज्ञात समूहको गोलीबाट एक जनाको मृत्यु भएको बाराका प्रहरी प्रवक्ता रञ्जित सिंह राठौरले लोकान्तरलाई जानकारी दिए ।
प्रहरीले युवकको कन्चटमा गोली लागि हत्या भएको अवस्थामा शव फेला पारेको हो । मृतकको पहिचान हुन नसकेको उनले बताए ।
प्रहरी नायब उपरीक्षक राठौरका अनुसार मृतकको शव पोस्टमार्टमका लागि जिल्ला अस्पताल पठाइएको छ ।
घटनाबारे अनुसन्धान भइरहेको उनले बताए ।
