विराटनगर, १४ चैत– उपप्रधान एवम् गृहमन्त्री विमलेन्द्र निधिले स्थानीय तहको निर्वाचन कुनै पनि हालतमा नरोकिने बताएका छन् ।
आज सोमबार विराटनगर विमास्थलमा सञ्चारकर्मीसँग कुरा गर्दै गृहमन्त्री निधिले जसरी पनि चुनाव हुने बताए ।
‘पछिल्लो समय मधेसी मोर्चासँग सकरात्मक छलफल भइरहेको छ,’ निधिले भने, ‘छिट्टै नै सबै कुरा मिल्छ र चुनाव पनि हुन्छ ।’
मोरङको अमाही बेलमा भारतीय सुरक्षाकर्मीको गोली लागेर मृत्यु भएका वासुदेव साहका परिवारलाई राहत दिन उपप्रधान एवम् गृहमन्त्री निधी विराटनगर आएका हुन् ।
