०१ असार २०८३, सोमबार
काठमाडौं – हङकङमा भइरहेको विरोध प्रदर्शनका क्रममा एउटा भ्यान विरोधकर्ताहरूको भीडमाथि चलाइएको भिडियो सार्वजनिक भएको छ ।
युएन लोङमा मंगलवार खिचिएको भिडियोमा मिनीभ्यान रोडब्लक हुँदै गुडाइएर एकजना विरोधकर्तालाई लडाउन सफल भएको देखिन्छ । भ्यान चालक चाहिँ भागेका देखिन्छन् ।
के कारणले यो घटना भएको हो भन्ने स्पष्ट छैन तर सामाजिक सञ्जालमा आइरहेका टिप्पणीमा भ्यान चालक र विरोधकर्ताहरूका बीच झगडा परेको बताइएको छ ।
प्रदर्शनकारीहरूले भ्यानको विन्डशील्ड भत्काएको र गाडीमा ‘हत्यारा’ भनी पेन्ट गरेका थिए ।
घटनास्थलमा रहेको दाबी गर्ने एक व्यक्तिले झगडापछि चालकलाई थामथुम पारेको तर उक्त व्यक्ति फेरि भ्यानमा चढेर अवरोध भत्काउँदै विरोधकर्ताहरूलाई हान्न पुगेको बताए ।
प्रहरी अधिकारीहरू घटनास्थल पुगेको तर कोही पनि घाइते नभटेको अनि भ्यान चालकलाई पनि पत्ता लगाउन नसकेको प्रहरीले बतायो ।
प्रहरीले यो केस बन्द गरेको छ ।
विरोधकर्ताहरूले भने सामाजिक सञ्जालमा उक्त चालकको नाम र ठेगाना पोस्ट गरेका छन् ।
विरोधकर्ताहरूले मंगलवार सडक अवरोध गर्ने, ट्रेन रोक्ने अनि लगभग २०० वटा उडान रद्द गर्ने काम गरेका छन् ।
एजेन्सी
