काठमाडौं–नियमनकारी निकाय नहुँदा बेथिति बढेको भन्दै ज्योतिष विद्या पढेकालाई मात्र ज्योतिषीको लाइसेन्स दिन संसद्‌मा आवाज उठेको छ ।

मंगलवार बसेको प्रतिनिधि सभा बैठकको शून्य समयमा नेकपाकी विमला विश्वकर्माले नियमन नहुँदा बेथिति बढेको भन्दै लाइसेन्सको व्यवस्था गर्न माग गरेकी हुन् । 

‘महिनामा दुई तीन लाख कमाउने ज्योतिषी पनि छन्, लाइसेन्सको व्यवस्था गरे राज्यलाई करोडौं राजस्व संकलन हुन्छ । नियमनकारी निकाय नहुँदा बेथिति बढेको छ । निश्चित योग्यता पुगेकालाई लाइसेन्स दिँदा पेशा मर्यादित हुन्छ,’ सांसद विश्वकर्माले भनिन् ।