काठमाडौँ, १६ चैत - प्रमुख प्रतिपक्षी दल नेकपा एमालेले सत्ता पक्षबाट निर्वाचन आचारसंहिताको व्यापक उल्लंघन गरेको ध्यानाकर्षण गराएपछि निर्वाचन आयोगले गृहमन्त्रालयसँग स्पष्टीकरण मागेको छ, अन्नपूर्ण पोस्टमा खबर छ |
सरकार र मन्त्रीहरुबाट निर्वाचन आचारसंहिताको ठाडो उल्लंघन गरेको भन्दै त्यस्तो कार्य तत्काल रोक्न एमाललेले मंगलबार निर्वाचन आयोगमा पुगेर लिखित ध्यानाकर्षण पत्र दर्ता गराएको थियो।
संसदीय दलका उपनेता सुवासचन्द्र नेम्वाङका अनुसार एमालेले ध्यानाकर्षण बुझाएपछि आयोगले गृहमन्त्रालयसँग स्पष्टीकरण मागेको हो।'हामी अध्ययन गरिरहेका छौ र गृहमन्त्रालयलाई स्पष्टीकरण पत्र पनि पठाएका छौ’आयोगले आफूलाई दिएको जवाफ उघृत गर्दै नेम्वाङले भने।