उदयपुर, १६ चैत– उदयपुर जिल्लाको त्रियुगा नगरपालिका–१६ स्थित शाहीखोला बस्ने वर्ष ६० का कान्छा कार्कीको मङ्गलबार बेलुकी स्थानीय जङ्गलको रुखबाट खसेर मृत्यु भएको छ ।
स्थानीयवासी कृष्णराज खड्काका अनुसार कार्की दिनभर घरमा कामगरी बेलुकी पख जङ्गलमा घाँस काट्न गएका थिए ।
जङ्गलमा गएर जामुनको रुखमा घाँस झार्न चढेका कार्कीलाई गोलाको कमिलाले टोक्न थालेपछि उनी रुखबाट खसेका थिए । आत्तिएर रुखबाट खसेका कारण कार्कीको तत्कालै मृत्यु भएको खड्काले बताए ।
