०८ असार २०८३, सोमबार
काठमाडौं – अमेरिकन एयरलाइन्सका यात्रुहरू विमानभित्र घोडा देखेर तीनछक्क परेका छन् ।
शिकागोबाट ओमाहा गइरहेको विमानमा एक यात्रुले सानो घोडा समेत ल्याएको थियो ।
इभान नोवाक नामक यात्रु पनि उक्त उडानमा थिए । उनले त्यसको भिडियो खिचेर ट्विटरमा पोस्ट गरे । त्यसमा घोडा शान्त भएर उभिरहेको देखिन्छ ।
घोडाको नाम फ्लर्टी भएको र उसको आफ्नै ट्विटर र इन्स्टाग्राम अकाउन्ट समेत भएको बताइएको छ ।
अमेरिकन एयरलाइन्सको वेबसाइटमा लेखिएअनुसार, तालिमप्राप्त साना घोडाहरूलाई उडानमा अनुमति दिइन्छ ।
यस्ता घोडा एकदेखि तीन फीट अग्लो हुनुपर्ने र १५० देखि २५० पाउन्डका बीच हुनुपर्ने अनि औसत आयु कम्तीमा ३० वर्ष हुनुपर्नेछ ।
एजेन्सी
