०३ साउन २०८३, आइतबार
काठमाडौं– विभिन्न विवादका बाबजुद सरकारले दोस्रो पटक भिडियो कन्फरेन्समार्फत मन्त्रिपरिषद् बैठक बसेको छ । मन्त्रालयको गोपनियतामाथि विभिन्न निकायबाट प्रश्न उठिरहेको बेला सिंगापुरमा उपचाररत प्रधानमन्त्री केपी शर्मा ओलीले भिडियो कन्फरेन्समार्फत मन्त्रीहरुसँग सरकारका कामकाजबारे मंगलवार छलफल गरेका छन् ।
प्रधानमन्त्रीका सल्लाहकार विष्णु रिमालका अनुसार भिडियो कन्फरेन्समार्फत सोमबार क्याबीनेट सदस्यहरुसँग सरकारको पछिल्ला कामकाजबारे छलफल गरेका छन् । प्रधानमन्त्री ओलीले भिडियो कन्फरेन्समार्फत मन्त्रीहरुसँग कामकाजको अपडेट लिने र आफ्नो स्वास्थ्य अवस्थाबारे जानकारी दिने उदेस्यले भिडियो कन्फरेन्स बैठक राखिएको रिमालले जानकारी दिएका छन् ।
यसअघि गत भदौ ९ गते सिंगापुरबाट प्रधानमन्त्री ओलीले पहिलोपटक मन्त्रिपरिषद् बैठक राखेका थिए । त्यो बैठकलाई लिएर गोपनियताको सुरक्षाबारे विभिन्न विवाद उत्पन्न भएको थियो । यसै भिडियो कन्फरेन्स प्रधानमन्त्री ओलीका सल्लाहकार रिमालले मन्त्रिपरिषद् बैठक भनेपनि सरकारका प्रवक्ता एवम् सुचना तथा सञ्चारप्रविधि मन्त्री गोकुल बास्कोटाले मन्त्रिपरिषद्को बैठक नभई सामान्य 'हेलो हाई' मात्रै भएको बताएका थिए ।
सम्माननीय प्रम केपी शर्मा ओली@kpsharmaoli ले सिंगापुरबाट टेलिप्रिजेन्स प्रविधि मार्फत आज दोस्रो चोटी आफ्नो क्याविनेटका सदस्यहरूसंग सरकारका कामको बारेमा छलफल गर्नु भयो।उहॉले आफ्नो उपचारबारे जानकारी दिनुहुने र मन्त्रीज्यूहरूले आफ्नो कामकाबारे प्रमलाई अपडेट गर्नुहुने योजना रहेको छ। pic.twitter.com/e2uFj9ipeD
— Bishnu Rimal (@BishnuRimal) September 3, 2019
