१८ असार २०८३, बिहीबार
पर्सा–पोखरीया नगरपालिकाको शिवबर्मामा विहिवार भएको आगलागीका कारण तीन लाख पचास हजार रुपैयाँ बराबरको क्षती भएको छ । विहिवार शिवबर्मा बस्ने रामपृत कुर्मीको खरले छाएको फुसको गोठमा लामखुट्टे धपाउन घुर बालि सुतेकोमा अचानक आगलागी भएको थियो ।
सो आगलागीमा परि गोठमा रहेको भैंसीको २ वटा पाडी, १ वटा पाडो, १ वटा भैंसी, २ वटा खसी र २ वटा बाख्राको जलेर मृत्यु भएको जिल्ला प्रहरी कार्यलय पर्साले जनाएको छ ।
आगलागीका कारण १ वटा भैंसी जलेर घाइते भएको छ भने गोठ पूर्ण रुपमा नष्ट भइको प्रहरीले जनाएको छ ।
