१० असार २०८३, बुधबार
काठमाडौं – व्यक्तिगत प्रयोजनका लागि गाँजा राख्न पाइने अस्ट्रेलियाको पहिलो शहर क्यानबेरा बनेको छ ।
गाँजा वैध बनाउने विधेयक बुधवार अपराह्न संसद्ले पारित गरेको हो । विधेयक पारित गराउन लेबर पार्टी र ग्रीन पार्टीको समर्थन थियो ।
१८ वर्षभन्दा माथिका मानिसले गाँजाको ५० ग्राम बोक्न पाउँछन् अनि दुईवटा बोट हुर्काउन पनि पाउँछन् ।
एउटा घरमा जम्मा चारवटा मात्र गाँजाको बोट राख्न पाइन्छ तर पानीमा गाँजा उमार्न चाहिँ अवैध छ ।
यो कानून सन् २०२० को जनवरी ३१ बाट मात्र लागू गरिनेछ ।
स्वास्थ्यमन्त्री रेचल स्टिफन–स्मिथले विधेयकमा हस्ताक्षर गर्नुपर्ने हुन्छ ।
लेबर पार्टीका माइकल पेट्टरसनले यो विधेयक प्रस्ताव गरेका हुन् ।
उनले ल्याएको विधेयकमा संशोधन गर्दै गाँजा बालबालिकाको पहुँचबाट टाढा राख्नुपर्ने अनि वयस्कले बालबालिकाका अगाडि गाँजा सेवन गर्न नहुने र सामुदायिक बगैंचामा गाँजाखेती गर्न नपाइने प्रावधान राखिएको छ ।
गाँजालाई फौजदारी नभई स्वास्थ्यको विषय बनाउने उद्देश्यले विधेयक ल्याएको पेट्टरसनको भनाइ छ ।
एजेन्सी
