२३ जेठ २०८३, शनिबार
काठमाडौं – दक्षिणपश्चिमी चीनको जियाङयू शहरमा एक परिवारले आफ्नो कुकुरलाई गरेको दुर्व्यवहारको स्तब्ध बनाउने भिडियो सार्वजनिक भएको छ ।
सेतोकालो कोली प्रजातिको कुकुर सुबारु फोरेस्टर एसयूभीको साँघुरो घेरोमा तर्सिएर बसेको भिडियोमा देखिन्छ ।
अन्य गाडीका चालकले पनि यसलाई बेवास्ता गरेका छन् किनकि कसैले पनि कुकुर राखेको गाडी चलाउनेलाई कुकुर डराएको विषयमा सचेत गराएका छैनन् ।
कुकुरले अरू चालकहरूसँग आँखाले सम्पर्क बनाउन खाजेको देखिन्छ । आफूलाई यस्तो खतरनाक स्थितिबाट जोगाउन कसैले पहल गरिदिए हुन्थ्यो भन्ने चाहना कुकुरको आँखामा झल्किन्छ ।
एउटा एम्बुलेन्स आएर ट्राफिक रोकेपनि डराएको कुकुर एसयूभीबाट झर्दैन ।
घटनाको भिडियो बनाउने प्रत्यक्षदर्शीले प्रहरीलाई यसको सूचना दिँदै कुकुरलाई गाडीमा पछाडिबाट बाँधिएको बताए । कुकुर त्यो साँघुरो ठाउँबाट लडेको भएर घिसारिने संकेत यसबाट पाइन्छ ।
जियाङयू प्रहरीले उजुरी पाएलगत्तै घटनाको अनुसन्धान गरेको र गाडी चलाउने पत्ता लगाएको जानकारी दिएको छ ।
चालकलाई ट्राफिक सुरक्षामा खतरा पारेको भन्दै ५० रेन्मिन्बीको जरिवाना लगाइएको छ ।
चीनमा घरपालुवा जनावरमाथिको दुर्व्यवहारबाट संरक्षण गर्ने कानून नभएका कारण कुकुरमालिकलाई कठोर सजाय दिइने छैन ।
एजेन्सी
