०४ असार २०८३, बिहीबार
काठमाडौं – वाईफाईको एलर्जी भएको बताउने एक महिला पित्तलको स्लीपिङ ब्यागमा सुत्ने गरेकी छन् । वाईफाईका कारण आफूलाई कमजोरी अनुभव हुने, सास फेर्न गाह्रो हुने अनि अनुहारमा सुईले घोचेको जस्तो लाग्ने उनको भनाइ छ ।
रोजी ग्ल्याडवेल नामक ती महिलाले इलेक्ट्रोम्याग्नेटिक रेडिएसनबाट आफूलाई जोगनका लागि हजारौं पाउन्ड खर्च गरिसकेकी छन् । अब ५जीले आफ्नो स्वास्थ्य चौपट बनाउने उनको आशंका छ ।
बेलायतको डेभोनमा बस्ने ग्ल्याडवेल ४०० पाउन्ड पर्ने ब्यागमा सुत्छिन् ।
‘भविष्यका बारेमा मलाई निकै डर लागेको छ,’ उनले भनिन्, ‘अहिले त मैले आफूलाई सुरक्षित बनाउन सकेकी छु अनि गाउँको घरमा बस्छु र त्यहाँ इलेक्ट्रोम्याग्नेटिक फ्रिक्वेन्सी छैन । तर ५जी आएपछि भविष्यमा के पो हुने हो ? बहुतै डरलाग्दो विषय छ ।’
आफूलाई इलेक्ट्रोम्याग्नेटिक फील्ड्सप्रति संवेदनशीलता रहेको थाहा पाएपछि रोजीले विशेष उपकरणका लागि टन्नै खर्च गरिसकेकी छन् । उनले आफ्नो शरीरमा बेर्नका लागि रक्षात्मक कवच किनेकी छन् अनि रेडिएसन डिटेक्टर पनि खरिद गरेकी छन् ।
पतिसँग स्पेन जाँदा ३० घन्टा लामो फेरी यात्रामा उनले स्लीपिङ ब्याग र प्रोटेक्टिभ शीट लगाउने गरेकी छन् ।
एजेन्सी
