२३ जेठ २०८३, शनिबार
काठमाडौं – बेलायती फोटोग्राफर टेरी डोनेली नेचर फोटोग्राफर हुन् । उनले लोखर्केको चारवटा तस्वीर खिचे । यी चार तस्वीर खिच्नका लागि उनलाई एक वर्ष लाग्यो ।
तस्वीरहरू टेरीले घरपछाडिको बगैंचामा खिचेका हुन् । यसै वर्षको आरम्भमा उनले आफूलाई लोखर्केका पोज पोजका फोटो खिच्ने चुनौती दिएका थिए ।
तस्वीरहरूको विशेषता भनेको यिनमा लोखर्केहरू हावामा छन् । उनीहरू एउटा हाँगोबाट अर्कोमा जाँदै गर्दा यी तस्वीरहरू क्याप्चर गरिएका हुन् ।
टेरी दिनदिनै बिहान उठेर लोखर्केका गतिविधि क्याप्चर गर्थे । लोखर्केले फुत्त फुत्त उफ्रेर गायब हुने हुँदा फोटो खिच्न निकै गाह्रो हुन्थ्यो ।
टेरीले घरमै लोखर्केहरूलाई आकर्षित गर्न खानेकुरा राखिदिने गरेका थिए । त्यसपछि लोखर्केहरू दिनदिनै आए र टेरीले उनीहरूको फोटो दिनदिनै खिच्न थाले । बल्लबल्ल उनले लोखर्केहरूका सुन्दर तस्वीर हात पारे ।
एजेन्सी
