०३ साउन २०८३, आइतबार
काठमाडौं – ट्विटरमा कुनै पनि राजनीतिक विज्ञापन स्वीकार नगरिने सीईओ ज्याक डोर्सीले बुधवार घोषणा गरेका छन् ।
‘हामीहरूले ट्विटरमा संसारभरि सबै किसिमका राजनीतिक विज्ञापन रोक्ने निर्णय लिएका छौं,’ डोर्सीले ट्वीट गरे, ‘हामीहरू राजनीतिक सन्देशको पहुँच आफैंले बनाउनुपर्ने, किन्नु नहुने कुरामा विश्वास गर्छौं ।’
We’ve made the decision to stop all political advertising on Twitter globally. We believe political message reach should be earned, not bought. Why? A few reasons…🧵
‘मानिसहरूले कुनै अकाउन्ट फलो गर्ने वा रिट्वीट गर्ने निर्णय लिँदा राजनीतिक सन्देशले रीच कमाउने हो । उक्त रीचका लागि पैसा तिर्दा त्यो निर्णय हट्ने अवस्थामा पुग्छ र मानिसहरूलाई चर्को तथा परिलक्षित राजनीतिक सन्देश दिन्छ । मानिसहरूको निर्णयलाई पैसामा सम्झौत ागर्न नहुने हाम्रो विश्वास छ,’ उनले थपे ।
सिलिकन भ्यालीले राजनीतिक विज्ञापनलाई गरेको व्यवस्थापनको कडा निगरानी चलिरहँदा डोर्सीको घोषणा आएको हो । सामाजिक सञ्जाल कम्पनीहरू विशेषगरी फेसबूकले राजनीतिकर्मीहरूलाई झूटो विज्ञापनको अनुमति दिएको भनी आलोचना गरिएको छ ।
तर फेसबूकका संस्थापक मार्क जकरबर्गले राजनीतिक विज्ञापनको सत्यता नजाँच्ने आफ्नो नीतिको बचाउ गरेका छन् । थप नयाँ नयाँ नियम अपनाउने काम आफूहरूले गर्नु नहुने उनले बुधवार बताए ।
सीएनएनबाट
