२९ जेठ २०८३, शुक्रबार
तपाईं ट्वाइलेटका लागि कतिसम्म खर्च गर्न सक्नुहुन्छ ? चीनका महाधनीहरूले त्यसका लागि १८ करोड रुपैयाँभन्दा बढी खर्च गर्न लागेका छन् ।
शांघाईमा आयोजित एक व्यापार मेलामा बुलेटप्रूफ सीट सहितको सुनौलो ट्वाइलेट बिक्रीमा राखिएको छ । त्यसमा ४० हजार भन्दा बढी हीराहरू जडिएको छ ।
हङकङमा बनेको यो ट्वाइलेट आरोन शम नामक कम्पनीले बनाएको हो ।
चिनियाँ सेलेब्रिटी र धनीमानीहरूले उक्त कम्पनीका गरगहना उपयोग गर्ने गरेका छन् ।
कम्पनीका अनुसार, ट्वाइलेटको सीट बुलेटप्रूफ शीशाले बनेको छ भने त्यसमा ४० हजार ८१५ वटा हीरा जडिएका छन् । यसको कुल तौल ३३४.६८ क्यारेट छ ।
कम्पनीका मालिक शमले ट्वाइलेट किन्न कोही आए नआएको खुलासा गरेका छैनन् ।
तर आफूले यसलाई बेच्न नचाहेको उनले बताए ।
‘हामीहरू हीराको कला संग्रहालय बनाउन चाहन्छौं ताकि मानिसहरूले त्यसको आनन्द उठाउन सकून्,’ उनले भने ।
उनले ट्वाइलेटमा सबभन्दा धेरै हीरा जड्ने कीर्तिमान बनाउन खोजेका छन् ।
एजेन्सी
