१२ साउन २०८३, मंगलबार
अस्ट्रेलियाका प्रधानमन्त्री स्कट मोरिसनले डढेलोका कारण पीडित बनेका मानिसलाई सान्त्वना दिन गरेको प्रयास असफल भएको छ । उनले पीडितहरूको प्रश्नको उत्तर दिन सकेनन् अनि उनलाई पीडितहरूले गिल्ला गर्दै लखेटे ।
मोरिसन बिहीवार कोबार्गो शहरको भ्रमणमा गएका थिए र उनले त्यसक्रममा पीआर बटुल्न खोजेका थिए । तर त्यो उनका लागि विपत्ति साबित भयो । डढेलोले मंगलवार उक्त शहरलाई ध्वस्त पारेको थियो । त्यसमा परी कम्तीमा तीनजनाको मृत्यु भएको थियो भने धेरैजनाले घर र व्यापार गुमाएका थिए ।
प्रधानमन्त्री कोबार्गोमा एक स्थानीय महिलाकहाँ पुगेर ‘के छ’ भनी सोधे । त्यसपछि उनले महिलासँग हात मिलाउन खोजे । उनको पीआर स्टन्ट फ्लप खायो ।
‘तपाईंले ग्रामीण अग्नि सेवा (आरएफएस) लाई थप पैसा दिने भए मात्र म तपाईंसँग हात मिलाउँछु,’ ती महिलाले भनिन् ।
त्यसपछि स्थानीयहरूले तत्कालै मोरिसनलाई घेरे र किन यति थोरै दमकल खटाइएको र राहत किन नदिइएको भनी जायज प्रश्न सोधे । तर उनले ती प्रश्नहरूको उत्तर दिन सकेनन् ।
त्यसपछि प्रधानमन्त्री लक्ष्यविहीन रूपमा सडकमा चहार्न थाले । उनीसँग प्राकृतिक विपत मन्त्री डेभिड लिटलप्राउड पनि थिए । उनीहरूको मौनताले स्थानीयहरूलाई थप आक्रोशित बनायो । एकजनाले त प्रधानमन्त्रीलाई शहरबाट जान समेत भने र अर्को चुनावमा तपाईंले निकै कम भोट ल्याउनुहुनेछ भने ।
डढेलोमा मारिएकाहरूका विषयमा थप प्रश्न बर्सिन थालेपछि प्रधानमन्त्री सहितका अधिकारीहरू हतारहतार कारमा पसे अनि गूडबाई समेत भन्न भ्याएनन् ।
Scott Morrison forcing this woman to shake his hand, then ignoring her and walking away when she tells him she doesn’t want a handshake unless he gives more funding to the RFS, is fucking disgusting - even by his low standards. #bushfiresAustralia #auspol pic.twitter.com/LX6agg3S7G
— Brendan Bradford (@1bbradfo) January 2, 2020
एजेन्सी
