२२ जेठ २०८३, शुक्रबार
नागरिकता विधेयकविरुद्धको विरोध प्रदर्शनमा भाग लिएर भाइरल बनेका एक जर्मन विद्यार्थीलाई भारतका आप्रवासन अधिकारीहरूले निकालेको र अब कहिल्यै फर्केर नआउनू भनेको दाबी गरेका छन् ।
ड्रेस्डेनमा बस्ने जेकब लिन्डेनथालले आफूलाई जर्मनीमा रहेको भारतीय दूतावासले विद्यार्थी भिसामा भारत नजान भनेको द सन्डे एक्सप्रेसले लेखेको छ ।
लिन्डेनथालले आफ्नो भिसा जुन २७ मा मात्र सकिने र आफू भारतमा फर्केर पढाइ जारी राख्न चाहेको बताए । गत डिसेम्बर महिनामा नागरिकता संशोधन विधेयकमाथि भएको व्यापक विरोध प्रदर्शनमा चेन्नईमा भाग लिएका
लिन्डेनथालले विभिन्न सन्देश सहितका प्लेकार्ड बोकेको देखिएको थियो ः ‘विमतिको स्वर विना लोकतन्त्र रहँदैन’ र ‘१९३३–१९४५ : हामीले भोगिसकेका छौं’ ।
विरोध प्रदर्शनमा भाग लिँदा लिन्डेनथाल भारत बसेको पाँच महिना बितिसकेको थियो । उनी टेक्निकल युनिभर्सिटी ड्रेसडेनसँगको एक्सचेन्ज कार्यक्रममा आईआईटी–मद्रासमा अध्ययनरत थिए ।
नागरिकता कानूनले अफगानिस्तान, पाकिस्तान र बंगलादेशमा रहेका ६ अल्पसंख्यक धार्मिक समुदायका मानिसलाई भारतीय नागरिकता लिन सहज बनाएको छ । आलोचकहरूले यो कानून मुसलमानहरूका विरुद्ध रहेको बताएका छन् ।
आरटीबाट
