सत्तारुढ दल नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठ 'प्रकाश' राष्ट्रिय सभा सदस्यमा विजयी भएका छन् ।

गण्डकी प्रदेशबाट अन्यतर्फ उम्मेदवारी दिएका श्रेष्ठले ३ हजार ४ सय ६२ मत प्राप्त गरे । उनका निकटतम प्रतिद्वन्द्वी कांग्रेस उम्मेदवार सूर्यप्रसाद रेग्मीले २ हजार २ सय ४४ मत पाए ।

यस्तै महिलातर्फ पनि नेकपाकै उम्मेदवार भगवती न्यौपाने विजयी भइन् ।

न्यौपानेले ३ हजार ३ सय ६६ मत प्राप्त गर्दा कांग्रेसकी बिमला गौचनले २ हजार ३ सय ४० मत पाइन् ।

गण्डकी प्रदेशबाट रिक्त २ सदस्यका लागि पोखरामा बिहीवार निर्वाचन भएको थियो ।

राष्ट्रिय सभामा आगामी फागुन २० गतेबाट रिक्त हुने १९ सीटमध्ये १८ सीटमा सदस्य चयनका लागि देशभर निर्वाचन भएको हो । 

बाँकी १ सदस्य भने राष्ट्रपतिले मनोनित गर्नेछिन् ।