मानव अधिकार आयोगमा गाडीको लश्कर, अध्यक्षभन्दा सदस्य चढ्छन् महंगो र नयाँ गाडी

चैत १७, २०७५

काठमाडौं – राष्ट्रिय मानव अधिकार आयोगमा अध्यक्षभन्दा सदस्यरूले महङ्गो गाडी चढ्ने गरेको पाइएको छ ।

आयोगले लोकान्तरलाई उपलब्ध गराएको विवरणमा अध्यक्ष अनुपराज शर्माभन्दा सदस्यहरूले चढ्ने गाडी नयाँ र दोब्बरभन्दा बढी महङ्गो रहेको पाइएको छ ।


ADVERTISEMENT

अध्यक्ष शर्मा बीएए २७४९ नम्बरको ह्युण्डाइ एसेन्ट कार चढ्छन् । उक्त कार २०६६ साल असार २५ गते २२ लाख २६ हजार १०० मा खरिद गरिएको आयोगले जनाएको छ ।

सदस्यहरू भने २०७४ सालमा किनिएका गाडी चढ्छन् । सदस्यद्वय सुदीप पाठक र प्रकाशचन्द्र वस्ती टाटा सफारी स्ट्रोम चढ्छन् ।

दुवै गाडी २०७४ असार २१ मा ५८ लाख ४४ हजारका दरले खरिद गरिएको आयोगले उपलब्ध गराएको विवरणमा उल्लेख छ ।

सदस्यहरू मोहना अन्सारी र गोविन्दप्रसाद शर्मा पौडेल महिन्द्रा स्कोर्पियो जीप चढ्छन् । २०७४ मै किनिएका ती गाडीको मूल्य ५७ लाख १५ हजार रहेको आयोगले जनाएको छ ।

अध्यक्षलाई १५०, सदस्यलाई १०० लिटर इन्धन

अध्यक्ष शर्माले आयोगबाट मासिक १५० लिटर इन्धन लिन्छन् । यस्तै सदस्यहरू र सचिवका लागि मासिक एक सय लिटर इन्धन आयोगले उपलब्ध गराउने गरेको छ ।

निर्देशकहरूले भने मासिक ७२ लिटर इन्धन पाउँछन् । अन्य गाडीको हकमा आवश्यकता अनुसार इन्धन उपलब्ध गराउने गरेको आयोगले जनाएको छ ।

हेर्नुहोस्, चार पांग्रे सवारीको विवरण:

छ वटा गाडी र अधिकांश मोटरसाइकल दाताका !

चार पांग्रे र दुई पांग्रे गरी आयोगमा रहेका ५९ सवारी साधनमध्ये ६ वटा गाडी र अधिकांश मोटरसाइकल दाताले उपलब्ध गराएको देखिएको छ ।

२५ मध्ये ६ वटा गाडी यूएनडीपीले उपलब्ध गराएको देखिन्छ । यस्तै ३४ वटा मोटरसाइकल/स्कूटरमध्ये २८ वटा दाताले उपलब्ध गराएको आयोगले जनाएको छ ।

हेर्नुहोस्, दुई पांग्रे सवारीको विवरण :

पढ्नुहोस्, यस श्रृंखलाअन्तर्गत अघिल्ला भागहरू :

भाग- ६ : सञ्चार मन्त्रालयका पाँच गाडी ‘पूल’मा, क–कसले लिन्छन् सवारी सुविधा ?

भाग- ५ : भूमि व्यवस्था मन्त्रीको सचिवालयलाई नै दुई गाडी, पाँचवटा बिग्रिएर प्रयोगविहीन !

भाग- ४ : यातायात मन्त्रालयका सचिवलाई सेतो र रातो प्लेटका दुई गाडी, एउटैको मूल्य करोडभन्दा बढी !

भाग- ३ : शहरी विकासमा मन्त्रीका आसेपासेको रजगज, सचिवलाई दिउँसो र बेलुका बेग्लाबेग्लै गाडी !

भाग- २ : महिला मन्त्रीलाई काठमाडौंभित्र र बाहिरलाई छुट्टाछुट्टै गाडी, उपसचिवलाई मन्त्रीसरह इन्धन !

भाग- १ : खेलकुद मन्त्रालयका सचिवलाई दुई विलासी गाडी, कार्यालय सहयोगीसम्मलाई सवारी सुविधा [विवरणसहित]

चैत १७, २०७५ मा प्रकाशित

प्रतिक्रिया दिनुहोस

ताजा समाचार