०१ साउन २०८३, शुक्रबार
झापा फकिका पूर्वराजा ज्ञानेन्द्र शाह पुनः भारत भ्रमणमा निस्कने भएका छन् । यही फागुन १ गते काठमाडौं फर्केलगत्तै तीन दिन काठमाडौंको बसाइपछि ४ गते पुनः भारत भ्रमणमा निस्कन लागेका हुन् ।
स्रोतका अनुसार भारतको कुन ठाउँ जाने भन्ने विषय खुलाइएको छैन। १ गते काठमाडौं आउने र कर्मचारीसँग बैठक बसी भारत भ्रमणको स्थान र कार्यतालिका तय गर्ने छन् ।
दमकस्थित आफ्नै स्वामित्वमा रहेको हिमालयन टि गार्डेनमा बसेका ज्ञानेन्द्रको सुरक्षासहितको कन्भेटोली उनी आएको भोलिपल्ट फागुन २ गते काठमाडौं फर्कने भएको छ ।
उनीसँगै पूर्वरानी कोमल, निजी सचिव सागर तिमल्सिना र सबै कर्मचारी काठमाडौं फर्कनेछन्।
‘करिब दुई साता लामो भारत बसाइपछि उनी काठमाडौं फर्कने र पुनः पूर्वाञ्चलको भ्रमणमा निस्कने भएका छन्,’ स्रोतले भन्यो ।
ज्ञानेन्द्र शाह भारत भ्रमणमा निस्किएपछि यही फागुन ७ गते पूर्वरानी कोमलको जन्मोत्सव नमनाइने भएको छ । पटकपटक भारत भ्रमणमा निस्कने गर्नुभएका ज्ञानेन्द्र यो भ्रमण नितान्त व्यक्तिगत भनिए तापनि उच्च तहसँग भेट हुने सम्भावना रहेको निर्मल निवास स्रोतले जनाएको छ ।
गएको मंसिर २७ गते झापा पुगेका ज्ञानेन्द्र फेरि भारत जान लागेका हुन् ।
यो वर्ष देशको विभिन्न क्षेत्रको भ्रमण गरेका ज्ञानेन्द्रले जिल्ला दौडाहाको क्रममा विभिन्न तहका नेता र कार्यकर्तासँग भेट गरेका थिए ।
करिब चार महिनाअघि ज्ञानेन्द्रले पश्चिम नेपालको बुटवल, लुम्बिनीलगायत विभिन्न जिल्लाका मठमन्दिर भ्रमण गरी आफ्नो पक्षमा जनमत बनाएका थिए । नेपाल समाचारपत्रमा खबर छ ।
