०२ असार २०८३, मंगलबार
नेपाल-अमेरिकाबीच भएको एकदिवसीय क्रिकेट खेलमा नेपालले ८ विकेटको फराकिलो जित हासिल गरेपछि अमेरिकी राजदूत र्याण्डी बेरीले अमेरीकी टीमले सिक्नुपर्ने कुरा धेरै रहेको प्रतिक्रिया दिएका छन् ।
राजदूत बेरी क्रिकेट रंगशालामै उपस्थित भएर म्याच हेरिरहेका थिए ।
सामाजिक सञ्जाल ट्वीटरमा एक ट्वीट गर्दै बेरीले यो अचम्मको अनुभव रहेको बताएका छन् । 'अमेरिकी टीमले यस्ता खेलहरूबाट धेरै सिक्नु पर्छ,' उनले लेखेका छन् ।
राजधानीको त्रिभुवन विश्वविद्यालय क्रिकेट मैदान किर्तिपुरमा बुधवार नेपाल र अमेरिकी क्रिकेट टीमले एकदिवसीय क्रिकेट म्याच खेलेका थिए ।
नेपालले ३५ रनमै अमेरिकी टोलीलाई समेटेको थियो । यो एकदिवसीय अन्तर्राष्ट्रिय क्रिकेटमा सर्वाधिक न्यून स्कोर हो ।
What an experience it was! Was very excited to meet the @CricketNep & @USACricket players along with officials/staff at my 1st live cricket match in #Nepal! So important for our #TeamUSA to learn and grow through tournaments like this one in #Nepal! #NEPvsUSA 🙏🇳🇵🇺🇸 pic.twitter.com/UVCqSiBIuG
— Ambassador Randy Berry (@USAmbNepal) February 12, 2020
