सभामुखको कुर्सीमा प्रमुख प्रतिपक्षी दल नेपाली कांग्रेसको ‘आँखा लागेको’ भन्दै कुर्सीमा कालो टीका लगाउन सत्तापक्षका एक सांसदले माग गरेका छन् । 

प्रतिनिधि सभाको बुधवार बसेको बैठकको शून्य समयमा नेकपाका विरोध खतिवडाले सभामुख निर्वाचित भएको भोलिपल्टदेखि नै सभामुखको विरोध शुरू भएकाले आँखा नलागोस् भनेर सभामुखको कुर्सीमा कालो टीका लगाउन माग गरेका हुन् । 

उनले कालो टीका लगाउने कुरालाई अन्धविश्वास मात्र भन्न नमिल्ने जिकिर गरे । 

उनले यस्तो अचम्मको माग राख्दा सांसदहरू हाँसेका थिए ।