२२ जेठ २०८३, शुक्रबार
संसारभरि तीन हजारभन्दा बढी मानिसको ज्यान लिइसकेको कोविड–१९ भनिने कोरोनाभाइरसका विषयमा अहिले अनुसन्धान चलिरहेको छ । तर कुनै पनि अनुसन्धानमा यस भाइरसको शुरूआत कहाँबाट भएको हो भन्ने पत्ता लागेको छैन ।
विज्ञहरूका अनुसार, कोरोनाभाइरसको मूल पत्ता लगाउनका लागि ठोस र आधिकारिक अनुसन्धान जरूरी छ ।
चिनियाँ पत्रिका ग्लोबल टाइम्सले शनिवार कोरोनासम्बन्धी एक रिपोर्ट प्रकाशित गरेको छ । उक्त रिपोर्टमा लेखिएको छ– चाइनिज एकेडमी अफ सायन्सेजमा एसोसिएट प्रोफेसर यू वेनबिनले एक रिसर्च पेपर बुझाएका छन् । पेपरमा उल्लेख भएअनुसार, वुहानका हुआनान सीफूड मार्केट नै कोरोनाको केन्द्र नहुन सक्छ । नयाँ कोरोनाभाइरसलाई पाँचवटा समूहमा बाँडिएको छ– ए, बी, सी, डी र ई । ए सबभन्दा ठूलो र ई सबभन्दा सानो भाइरस हो । हुबेईमा ग्रूप सीको कोरोनाभाइरसमा पत्ता लागेको हो । तर अमेरिकामा चाहिँ पाँचै ग्रूपको भाइरस देखिएको छ ।
यू र अन्य अनुसन्धाताहरूले हुबेईमा देखिएको कोरोनाभाइरस अन्यबाट आएर फैलिएको हुनसक्ने बताइएको छ । उनीहरूका अनुसार, ‘अमेरिकामा भेटिएको कोरोनाभाइरसका सबै परीक्षण परिणाम ग्रूप सीका हुन् भन्ने पत्ता लाग्यो भने मात्र चीनबाट त्यो फैलिएको भन्न मिल्छ । त्यसो होइन रहेछ भने चाहिँ अमेरिकाबाटै फैलिएको भन्नुपर्छ ।
फर्माकोलोजिस्ट प्यान हुवेई जोङले यही पेपरलाई उद्धृत गर्दै अमेरिकाको कोविड–१९ को केस हेर्दा चीनको तुलनामा कोरोनाभाइरसको धेरै किसिमका जेनेटिक टाइप भेटिएका छन् ।
वुहानका भाइरलोजिस्ट याङ झाङक्यूले ग्लोबल टाइम्सलाई बताएअनुसार अमेरिकामा इन्फ्लुएन्जाबाट भएको मृत्युको कारण पत्ता लगाउन थप अनुसन्धान आवश्यक छ ।
चीनका संक्रमणविशेषज्ञ झोङ नानशानले अप्रिल महिनाको अन्त्यसम्ममा कोविड–१९ लाई नियन्त्रणमा लिइसक्ने आशा व्यक्त गरेका छन् ।
