धार्मिकस्थलमा ठूलो आवाजसहितका स्पिकर बजाइएको भन्दै ट्वीट गरेपछि विवादमा आएका गायक सोनू निमगले उनको शिर मुण्डन गर्ने व्यक्तिलाई १० लाख दिने घोषणा गर्ने मुस्लीम धर्म गुरुलाई जवाफ दिएका छन् ।

समाचार हरुका अनुसार पश्चिम बंगालका एक मोलवी (धर्मगुरु)ले प्रेस कन्फरेन्स गर्दै सोनू निगम विरुद्ध यस्तो घोषणा गरेका थिए ।

सोनू निमगले प्रश्न गरेका छन्,‘के यो धार्मिक गुण्डागर्दी होइन ।’

सोनू निगमले प्रार्थना गर्नका लागि आह्वान गर्दै स्पिकरमा आउने आवाजका कारण निन्द्र बिग्रिको भन्दै त्यसको विरोधमा ट्वीट गरेका थिए । त्यसपछि उनको समर्थन र विरोधमा सामाजिक सञ्जाल तातेको छ ।