कोरोना संक्रमण फैलिरहेका बेला भारतमा आइतवार 'जनता कर्फ्यू' लगाइएको छ ।

प्रधानमन्त्री नरेन्द्र मोदीले स्व:स्फूर्त रूपमा घरभित्रै रहन आग्रहसहित जनता कर्फ्यू लागू गरेका हुन् ।

बिहानैदेखि भारत सुनसान छ । सडकमा सुरक्षाकर्मीहरू मात्र देखिएका छन् ।

फाट्टफुट्टरूपमा बाहिर निस्किएकाहरूलाई पनि प्रहरीले भित्र फिर्ता पठाइरहेका छन् । 

कतै प्रहरीले फूल दिएर घर फिर्ता पठाएको खबर सार्वजनिक भएको छ भने कतै सडकमै उठबस गराइएको छ ।

पुणेको मञ्चर इलाकामा विनाकाम घरबाट निस्किएका युवाहरूलाई प्रहरीले उठबस गराएको छ ।

सडकमा घुम्दै गरेका युवालाई प्रहरीले बाहिर निस्किनुको कारण सोधे । तर उनीहरूले कारण बताउन नसकेपछि उठबस गराइएको खबर दैनिक भास्करमा छ ।