१९ असार २०८३, शुक्रबार
क्यानडाको ओलम्पिक कमिटी र पारालम्पिक कमिटीले जापानको टोक्योमा जुलाई महिनामा हुन लागेको ओलम्पिकमा भाग नलिने जनाएको छ । कोरोनाभाइरस फैलिएका कारण ओलम्पिकमा आफ्ना खेलाडी नपठाउने क्यानडाको भनाइ छ ।
ओलम्पिक आयोजनाका विरुद्ध विगत ४८ घन्टामा व्यापक आवाज उठिरहेका छन् । अमेरिकी तथा बेलायती खेलाडीहरूले अनि अनेकौं राष्ट्रिय ओलम्पिक कमिटीहरूले ओलम्पिकको मिति सार्न आह्वान गरेका छन् ।
कोरोना फैलिएपछि १४ हजारभन्दा बढी मानिसको मृत्यु भइसकेको छ ।
क्यानडापछि अस्ट्रेलियाले पनि ओलम्पिकमा सहभागिता नजनाउने बताएको छ ।
यसैबीच जापानका प्रधानमन्त्री शिन्जो आबेले अहिले स्थितिमा ओलम्पिक सार्न सकिने किनकि खेलाडीहरू सबै खेलका लागि नआउने जस्तो देखिएको बताएका छन् ।
अन्तर्राष्ट्रिय ओलम्पिक कमिटीले सन् २०२१ मा ओलम्पिक खेल आयोजना गर्न सकिने विषयमा विचार गरिरहेको छ ।
