काठमाडौं, १० वैशाख — पूर्वराजकुमारी प्रेरणा राज्यलक्ष्मी देवी सिंहलाई मस्तिष्कमा रगत जम्ने रोग (सेरेब्रल भेनुअस साइनस थ्रोम्बोसिस) लागेको र उपचारपछि उनी लगभग ठीक भएकोे नर्भिक अन्तर्राष्ट्रिय अस्पतालले आइतवार जनाएको छ ।

गत वर्ष चैत २५ गते नर्भिकमा भर्ना भएकी प्रेरणा अहिले लगभग ठीक भएर कुनै सहायता नलिई हिँडडुल गर्न सक्ने भएको अस्पतालले जानकारी दिएको छ । आजै उनी अस्पतालबाट डिस्चार्ज भएकी छन् ।

उपचार गर्ने चिकित्सक र भेट्न आउने शुभचिन्तकहरूलाई प्रेरणाले धन्यवाद प्रकट गरेकी छन् ।

नर्भिकका कन्सल्ट्यान्ट न्युरोलोजिस्ट डा. पंकज जालान र पारिवारिक चिकित्सक डा. किशोर जंग राणाले उनको उपचार गरिरहेका छन् ।