१९ असार २०८३, शुक्रबार
विश्वव्यापी महामारीको रूपमा फैलिएको कोरोनाभाइरस (कोभिड– १९) का कारण अमेरिकामा ५० हजारभन्दा बढी मानिसको मृत्यु भएको छ ।
शुक्रवार बिहानसम्म कोरोनाका कारण अमेरिकामा मृतकको संख्या ५० हजार २ सय ४३ पुगेको छ ।
संक्रमितको संख्या ८ लाख ८६ हजार ७ सय ९ पुगेको छ । अहिलेसम्म ८५ हजार ९ सय २२ जना निको भएका छन् ।
राष्ट्रपति डोनाल्ड ट्रम्पले कोरोनाका कारण अमेरिकामा १ लाख जनाको मृत्यु हुन सक्ने चेतावनी दिएका थिए ।
कोरोनाका कारण विश्वमा अहिलेसम्म २७ लाख २६ हजार संक्रमित छन । शुक्रवार बिहानसम्म १ लाख ९१ हजारको मृत्यु भइसकेको छ ।
इटलीमा २५ हजार ५ सय ४९, स्पेनमा २२ हजार १ सय ५७, फ्रान्समा २१ हजार ८
सय ५६ तथा बेलायतमा १८ हजार ७ सय ३८ जनाको मृत्यु भएको छ ।
विश्वभर अहिलेसम्म ७ लाख ४९ हजार ६ सय ७७ जना पूर्ण रूपमा निको भएका छन् ।
कोरोना महामारीका कराण विश्वका अधिकांश मुलुक एक महिनादेखि लकडाउनमा छन् ।
