सर्वोच्च अदालतले कोरोनाभाइरस (कोभिड- १९) को पोलिमरेज चेन रियाक्सन (पीसीआर) परीक्षणको दायरा बढाउन सरकारलाई निर्देशन दिएको छ ।

अधिवक्ता कमलबहादुर खत्रीलगायतले दारय गरेको रिटमाथि सुनुवाइ गर्दै न्यायाधीश मनोजकुमार शर्माको एकल इजलासले सरकारका नाममा अन्तरिम आदेश दिएको हो ।

'पीसीआर परीक्षणको दायरा बढाउनेतर्फ र सोको अभाव नहुनेतर्फ आवश्यक पहल गर्नू,' सर्वोच्चले अन्तरिम आदेशमा भनेको छ ।

साथै सर्वोच्चले १५ दिनभित्र लिखित जवाफ पेश गर्न विपक्षी (सरकार)लाई आदेश समेत दिएको छ ।

नेपालमा पछिल्लो समय कोरोनाभाइरस संक्रमितको संख्या तीव्ररूपमा बढिरहेको छ ।