१६ असार २०८३, मंगलबार
निको भएपछि पनि कोरोनाभाइरसको पोजिटिभ पाइएकाहरू संक्रामक नहुने एक नयाँ अध्ययनले देखाएको छ ।
कोरियाको सरुवा रोग नियन्त्रण तथा रोकथाम महाशाखा (सीडीसी) ले कोरोनाबाट निको भएर पुनः देखिएकाहरू संक्रामक नरहेको फेला पारेको हो ।
रोगीहरूको सम्पर्कमा आएका ७९० जनालाई रोग नसरेको पाइएको छ ।
यसले गर्दा कुनै कुनै क्षेत्रमा लकडाउन खोल्नु सुरक्षित हुने संकेत पाइएको सीडीसी टोलीको भनाइ छ ।
दोस्रोपटक कोरोना पोजिटभ पाइएका रोगीबाट संकलित भाइरस नमूनाहरू प्रयोगशालामा समेत नबढेको अनुसन्धाताहरूले पाए ।
यसको अर्थ हुन्छ– ती रोगीहरू पुनः संक्रमित भएका हैनन्, बरू तिनले मरेका भाइरसको कणहरू त्यागेका हुन् ।
दक्षिण कोरियाले अघिल्लो महिना निको भइसकेको थुप्रै रोगीलाई पुनः संक्रमण देखिएको भनी चिन्ता व्यक्त गरेको भए पनि यो अध्ययनले राहतको खबर दिएको छ ।
