काठमाडौं, १४ वैशाख– प्रधानमन्त्री पुष्पकमल दाहाल प्रचण्डले संसदमा प्रतिनिधित्व गर्ने दलको बैठक आह्वान गरेका छन् ।
संसदको प्रक्रियामा रहेको संविधान संशोधनको प्रस्ताव र स्थानीय चुनावको विषयमा प्रधानमन्त्री प्रचण्डले बैठक बोलाएका हुन् । बैठक भोली (शुक्रबार)का लागि बोलाइएको प्रधानमन्त्रीको निजी सचिवालयले जनाएको छ ।
यसअघि प्रचण्डले बिहीबार सत्तारुड कांग्रेस र संघीय गठवन्धनका नेताहरुको बैठक बोलाएका थिए । बैठकमा संविधान संशोधनलाई द्रुतमार्गबाट पारित गराउने सहमति भएको थियो ।
