१९ असार २०८३, शुक्रबार
अमेरिकाको एटलान्टामा प्रहरीले गोली हानेर काला जातिका पुरुष रेशार्ड ब्रूक्सको हत्या गरेपछि दंगा भड्किएको छ । विरोधकर्ताहरूले बाटो अवरोध गरेका छन् भने वेन्डीज रेस्टुराँमा आगजनी समेत गरेका छन् । त्यही रेस्टुराँमा ब्रूक्सलाई गोली प्रहार गरिएको हो ।
एटलान्टाका प्रहरी प्रमुख एरिका शील्ड्सले राजीनामा दिएकी छन् र मेयर केइशा लान्स बटम्सले ब्रूक्सको हत्या गर्ने प्रहरी अधिकारीलाई तत्काल निलम्बित गर्ने भनेकी छन् । तर विरोध मत्थर हुन सकेको छैन र शनिवार राति त्यो हिंस्रक भएको छ ।
ब्रूक्स मारिएको घटनामा वेन्डीज पनि आंशिक जिम्मेवार रहेको भन्दै विरोधकर्ताहरूले त्यसमा आगजनी गरेका छन् । उक्त रेस्टुराँ पेट्रोल पम्प नजिकै छ ।
रेस्टुराँका कर्मचारीहरूले एकजना शंकास्पद मानिस आफ्नो कारमा सुतिरहेको भनी प्रहरीलाई खबर गरेका थिए । प्रहरी आएर उनको मापसे परीक्षण गर्दा उनले मापसे गरेको पाइयो । त्यसपछि प्रहरीले उनलाई नियन्त्रणमा लिन खोज्दा उनले सक्रिय रूपमा प्रतिरोध गरेका थिए ।
अनि ब्रूक्स भाग्न खोज्दा प्रहरीले गोली हानेको देखिन्छ । उनले प्रहरीबाट झड्का दिने यन्त्र (टेजर) खोसेर प्रहरीलाई नै ताकेका थिए ।
त्यसपछि प्रहरीले उनीमाथि गोली चलाएको थियो । ब्रूक्स गोली लागेर मरेपछि प्रहरीमा व्याप्त जातिवाद र गैरन्यायिक हत्याका विषयमा थप प्रदर्शन भइरहेका छन् ।
काला जातिका पुरुष जर्ज फ्लोयडलाई गत मे महिनामा प्रहरीले घाँटी थिचेर हत्या गरेपछि अमेरिकाका प्रमुख शहरहरूमा प्रहरी ज्यादती र जातिवाद विरोधी प्रदर्शन भइरहेका छन् ।
Fire at Wendy's on University Ave in southwest Atlanta raging. A night to remember in Atlanta: Rayshard Brooks shot by an officer, the chief of Atlanta police resigned, and protesters stormed the interstate. Now, fire. #AtlantaShooting #AtlantaProtest pic.twitter.com/Fgjq7jhDiZ
— Ric Garni (@RICGARNI) June 14, 2020
