दक्षिण कोरियाको ग्योङ्गी प्रान्तका गभर्नरले उत्तर कोरियातर्फ पठाइने गरेको प्योङयाङविरोधी पर्चामा रोक लगाएपछि ग्यास क्यानिस्टर विस्फोट गरिदिने धम्की अनुदारवादी समूहको एक सदस्यले दिएपछि प्रहरीले गभर्नर निवासमा सुरक्षा व्यवस्था बढाएको छ । 

जुन महिनाको आरम्भमा ग्योङ्गी सरकारले सीमाक्षेत्रका चारवटा भागमा कोही पनि जान नपाउने घोषणा गरेको थियो र सीमापारि उत्तर कोरियाविरोधी प्रचारबाजी गरिएका पर्चा फ्याँक्ने प्रयासलाई रोकेको थियो । 

त्यसको भोलिपल्ट एक अनुदारवादी समूहका एक सदस्यले फेसबूकमा एउटा पोस्ट लेखेर यसको आलोचना गरेका थिए । 

केही दिनपछि लेखिएको अर्को पोस्टमा उनले गभर्नर ली जे–म्युङको घरनजिक पर्चा पठाउने प्रतिज्ञा गरेका थिए । अनि प्रहरीले बल प्रयोग गरेमा हाइड्रोजन ग्यास क्यानिस्टर खोलेर विस्फोट गराउन नहिचकिचाउने बताएका थिए ।

प्रान्तीय सरकारी भवन तथा गभर्नरको सरकारी आवास तथा निजी घरमा प्रहरी तैनाथ गरिएको छ ।