काठमाडौं, १६ बैशाख– काभ्रेमा नेपाली सेनाको गाडीले शनिबार बिहान सडक छेउमै रहेको एक घरलाई ठक्कर दिएको छ ।

धुलिखेल नगरपालिका वडा नम्बर ११ स्थित पात्लेखेलमा नेपाली सेनाको बा २ झ ४८२ नम्बरको गाडी अनियन्त्रित भई घरलाई ठक्कर दिएको हो । विपरित दिशाबाट आइरहेको मोटरसाइकललाई जोगाउन खोज्दा अनियन्त्रित भई गाडी घरको एक छेउलाई भत्काउँदैभित्र पसेको प्रत्यक्षदर्शी दिवस पौडेलले लोकान्तरलाई जानकारी दिए ।

उनका अनुसार पसल समेत रहेको उक्त घरमा मानिसहरुसमेत रहेको भएपनि संयोगबस कुनै मानविय क्षति भने भएको छ ।
जिल्ला प्रहरी कार्यालय काभ्रेले घटनाको जानकारी पाएसँगै घटनास्थलमा प्रहरी टोली पठाइएको भन्दै थप विवरण आउन बाँकी रहेको बताएको छ ।



यसैबीच काभ्रेकै भकुण्डेमा पनि अर्को दुर्घटना भएको छ । बा७च २९५८ नम्बरको कार र बा१२च६७०८ नम्बरको सुमो आपसमा ठोक्किएर दुर्घटना भएको हो । दुर्घटनामा केहि यात्रु घाइते भएको र उनीहरुको उपचारको लागि धुलिखेल अस्पताल पठाइएको बताइएको छ ।