काठमाडौं, १७ बैशाख – गृहमन्त्री विमलेन्द्र निधिले राजीनामा दिएका छन् । आइतवार साँझ निधीले राजीनामा दिएका हुन् । प्रधानमन्त्री पुष्पकमल दाहाल प्रचण्डलाई संवोधन गर्दै निधिले दिएको राजिनामापत्रमा 'आजकै मितिबाट राजिनामा दिएको' उल्लेख छ । पत्रमा आफूले राजिनामा दिनुको कारण भने उनले उल्लेख गरेका छैनन । प्रधानमन्त्रीका राजनीतिक सल्लाहकार चक्रपाणी खनालले उपप्रधानमन्त्री निधिको राजिनामालाई प्रधानमन्त्रीले अस्वभाविक रुपमा लिएको प्रतिक्रिया दिए । पत्रमा अगाडि भनिएको छ– ‘संविधानमा संशोधन गरी सबैको संविधान बनाउने पक्षमा र निर्वाचनको पक्षमा पूर्ववत् सक्रिय रहिरहने छु ।’ प्रधानन्यायाधीश सुशीला कार्कीको महाभियोगमा असन्तुष्टि जनाउँदै उनले राीनामा दिएको बुझिएको छ ।
