काठमाडौं, १७ वैशाख –प्रधानन्यायाधीश सुशीला कार्की निलम्बनमा परेसँगै सर्वोच्च अदालतका वरिष्ठ न्यायाधीश गोपाल पराजुली कार्यवाहक प्रधानन्यायाधीश भएका छन् । कार्की निलम्बनमा परेसँगै रिक्त रहेको उक्त पदमा वरिष्ठताका आधारमा पराजुली स्वतः कार्यवाहक प्रधानन्यायाधीश भएका हुन् ।
सर्वोच्चमा प्रधानन्यायाधीस पद रिक्त भए वरिष्टताका आधारमा वरिष्ट न्यायाधीश स्वतः कार्यवाहक प्रधान्यायाधीश हुने कानूनी व्यवस्था छ ।
पराजुलीले केही छिनमै पदभार ग्रहण गर्दैछन् ।
त्यस्तै, निलम्बनमा परेपछि कार्कीको सुरक्षाका लागि खटिएका सुरक्षाकर्मी पनि फिर्ता भएका छन् ।
आइतवार कार्कीमाथि २ सय ४९ सांसदले संसदमा महाभियोेग प्रस्ताव दर्ता गरेसँगै उनी निलम्बनमा परेकी छिन् ।
