०९ असार २०८३, मंगलबार
अख्तियार दुरुपयोग अनुसन्धान आयोगले महोत्तरीको सोनमा गाउँपालिकाका प्रमुख प्रशासकीय अधिकृत श्रीदेव यादवविरुद्ध भ्रष्टाचार मुद्दा दायर गरेको छ ।
७२ हजार रुपैयाँ घुस/रिसवत लिइसकेको अवस्थामा पक्राउ परेका यादवविरुद्ध शुक्रबार विशेष अदालतमा मुद्दा दायर गरिएको आयोगले जनाएको छ ।
आयोगका प्रवक्ता सुरेश न्यौपानेका अनुसार यादवले सडक ढलान योजनाको कार्य सम्पन्नपश्चात भुक्तानी गर्ने क्रममा विभिन्न बहाना बनाई दुःख हैरानी दिई सेवाग्राहीसँग घुस/रिसवत मागेका थिए ।
उक्त सूचनाका आधारमा आयोगको बर्दिबास कार्यालयबाट खटिएको टोलीले यादवलाई सेवाग्राहीबाट ७२ हजार रुपैयाँ घुससहित नियन्त्रणमा लिएको थियो।
आयोगले उनीविरुद्ध ७२ हजार बिगो कायम गरी कैद र जरिवाना दुवै सजायको मागदाबी गरेको छ ।
