काठमाडौं, १८ बैशाख– निलम्बित प्रधनन्यायाधीश सुशीला कार्कीले आफूमाथि महाभियोग लगाउन खोजिएको भन्ने आफूलाई पहिले नै संकेत मिलेको बताएकी छिन् ।
उनले आफूमाथि लगाइएको अभियोग पुष्टि गरेर देखाउन सत्तारुढ दल कांग्रेस र एमालेलाई चुनौति समेत दिएकी छिन् ।
एक पत्रिकासँगको अन्तर्वार्ताका क्रममा उनले भनेकी छिन्– उहाँहरुले मलाई जे आरोप लगाएर महाअभियोग दर्ता गर्नुभएको छ त्यो त उहाँहरुले पुष्टि गर्नुपर्छ ।
यद्यपी उनले आफूले न्याय प्रतिको निष्ठा र इमान्दारीतामा कहिल्यै सम्झौता नगरेको दाबी गरेकी छिन् ।
गल्ती नगरेकाले आफू नडराएको भन्दै कार्कीले प्रस्तावको आफूले डटेर सामना गर्ने बताएकी छिन् ।
माओवादी र कांग्रेस मिलेर न्यायालयमा पदीय आचरणविपरितको गतिविधि गरेको लगायतका आरोप लगाउँदै आइतबार संसद सचिवालयमा महाभियोग प्रस्ताव दर्ता गराएका थिए ।