नेकपा अध्यक्ष पुष्पकमल दाहाल प्रचण्डले पार्टी अप्ठ्यारो अवस्थामा पुगे पनि एकता कायम राख्ने बताएका छन् ।

उनले आपसी सहमतिमै निकास खोज्ने भन्दै उत्तेजित हुने काम नगर्न आग्रह गरे । 

मंगलवार प्रधानमन्त्री निवास बालुवाटारमा आफूनिकट स्थायी कमिटी सदस्यको भेलामा प्रचण्डले एकता कायम राख्ने बताएका हुन् ।

‘यो बैठकलाई स्थायी कमिटी बैठकको निरन्तरताको रूपमा नलिनुहोला, यो विशेष भेला हो । हामी मिल्छौँ, उत्तेजित हुने काम कसैले नगरौं,’ प्रचण्डको भनाइ उदृत गर्दै स्रोतले भन्यो ।

प्रचण्डका सहयोगीहरूले भने बालुवाटार भेलालाई स्थायी कमिटी बैठकको रूपमा प्रचार गरेका छन् ।

भेलामा ओलीपक्षीय नेताहरू भने उपस्थित छैनन् । प्रचण्डले ओलीसँग भएको कुराकानीबारे भेलामा ब्रिफिङ गरेका छन् । 

नेकपा संसदीय दलका उपनेता एवं स्थायी कमिटी सदस्य सुवास नेम्वाङले भने मंगलवारका लागि तय भएको स्थायी कमिटी बैठक बिहानै स्थगित भइसकेको बताएका छन् ।