काठमाडौं महानगरपालिका वडा नम्बर– १४ मालिकानगरमा टोल सुधार समितिको नयाँ कार्यसमिति चयन भएको छ ।

शनिवार भएको भेलाले राजकुमार खड्काको अध्यक्षतामा ११ सदस्यीय कार्यसमिति र ५ सदस्यीय सल्लाहकार समिति सर्वसम्मत चयन गरेको हो ।

नयाँ कार्यसमितिको उपाध्यक्षमा दिनेश रेग्मी, सचिवमा विष्णु भुसाल घिमिरे र कोषाध्यक्षमा हरिशरण खड्का छन् ।

यसैगरी सदस्यहरूमा डिल्लीराज ज्ञवाली, जनक रोकाया, चिरणज्योति पोखरेल, चन्द्रावती बस्नेत, पार्वती ढकाल, खिमा खनाल र अमला पाण्डे रहेका छन् ।

यस्तै सल्लाहकारतर्फ ताराकान्त पाण्डे, गौतमलाल रञ्जित, अमिर खड्का, विदुर पूरी र लोकराज रेग्मी रहेको कार्यसमिति सदस्य दिल्लीराज ज्ञवालीले जानकारी दिए ।

समितिले टोलवासीको हकहितका लागि विभिन्न कामहरू गर्ने सदस्य ज्ञवालीले बताए ।